Masallıda indiyədək 15474,8 ton taxıl yığılıb
Masallı, 17 iyun, Bağır Əliyev, AZƏRTAC
Masallının taxıl sahələrində məhsul yığımı davam edir. İyunun 17-nə olan məlumata görə, rayonda 7034 hektar sahədə biçin başa çatıb. Sahələrdən 15474,8 ton məhsul yığılıb. Taxıl məhsulları üzrə orta məhsuldarlıq 22,0 sentner təşkil edir.
Bu barədə AZƏRTAC-ın bölgə müxbirinə Masallı Rayon Statistika İdarəsindən məlumat verilib.
Bildirilib ki, rayonda indiyədək 2746 hektar sahədə arpa, 4288 hektar sahədə buğda biçini aparılıb. Taxıl sahələrindən 5902,4 ton arpa, 9572,4 ton buğda yığılıb. Arpa üzrə orta məhsuldarlıq 21,5 sentner, buğda sahələrindən isə orta məhsuldarlıq 22,3 sentner təşkil edib.
Taxıl biçini davam edir.
Bölmənin digər xəbərləri
