Media: Pentaqon naməlum uçan obyektlər haqqında dezinformasiya yayır
Bakı, 8 iyun, AZƏRTAC
Pentaqon naməlum uçan obyektlər (UNO) haqqında dezinformasiya yayır.
AZƏRTAC xəbər verir ki, bu barədə “The Wall Street Journal” nəşri məlumat yayıb.
"ABŞ ordusu yadplanetlilərin texnologiyasına dair sübutlar uydurdu və real məxfi silah proqramlarını gizlətmək üçün şayiələrin yayılmasına icazə verdi", - məlumatda qeyd edilib.
Nəşrin məlumatına görə, ABŞ Konqresi Pentaqonun 1980-ci illərə aid insidenti üzə çıxaran dezinformasiyası ilə bağlı araşdırmaya başlayıb. Həmin vaxt Hərbi Hava Qüvvələrinin polkovniki Nevada səhrasında ABŞ-ın çox məxfi obyektinin yaxınlığındakı bara baş çəkib.
Hərbçi müəssisə sahibinə uçan boşqabların göstərildiyi iddia edilən görüntüləri verib.
Mütəxəssislər hesab edirlər ki, Pentaqon real məxfi silah proqramlarını Sovet İttifaqından gizlətmək məqsədilə UNO-ların mövcudluğu haqqında dezinformasiya yayıb.
Bölmənin digər xəbərləri
