Mərkəzi Avropada mənzil kirayəsi bahalaşır
Brüssel, 5 iyun, AZƏRTAC
Mərkəzi Avropa ölkələrində ötən ay mənzil kirayəsi haqları illik orta hesabla 7,6 faiz artıb, aylıq artım isə təxminən 1 faizə yaxın olub.
Bu barədə AZƏRTAC “Budapest Business Journal” nəşrinə istinadla xəbər verir.
Təkcə Slovakiyanın paytaxtı Bratislavada kirayə haqları 8,6 faiz yüksəlib.
Çexiyanın paytaxtı Praqada isə orta aylıq kirayə haqqı 680 avro təşkil edib.
Aylıq müqayisədə Macarıstanda mənzil kirayəsi haqları ölkə üzrə 0,9 faiz, Budapeştdə isə 1,3 faiz artıb.
Macarıstanın digər şəhərlərində vəziyyət bir qədər fərqlidir, belə ki, ölkənin ikinci ən böyük şəhəri olan Debretsendə orta aylıq kirayə haqqı 225 000 forint təşkil edib (1 avro = 402 forint). Seqed, Peç və Dyor kimi vilayət mərkəzlərində isə kirayə haqları 160 000 ilə 190 000 forint arasında dəyişir.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
