Meşələrin bərpası və mühafizəsi məsələlərinə diqqət artırılır
Bakı, 9 fevral (AZƏRTAC). Ekologiya və Təbii Sərvətlər Nazirliyi meşə fondunun mühafizə və ümumi sahəsinin artırılmasının istiqamətində son illərdə məqsədyönlü işlər görmüşdür.
Nazirlikdən AZƏRTAC-a verilən məlumata görə, əlaqədar qurumlar tərəfindən ötən il ərzində 10696 hektar sahədə meşəbərpa, o cümlədən 3521 hektar sahədə meşə əkini və səpini işləri aparılmış, 7175 hektar sahədə isə təbii bərpaya kömək məqsədi ilə tədbirlər görülmüş, 138352 kq toxum tədarük edilmişdir.
Meşələrin qorunması məsələləri də nazirliyin diqqət mərkəzindədir. Hazırda meşələrin mühafizəsi ilə 1300 işçi məşğul olur. Nazirliyin qurumlarının həyata keçirdikləri tədbirlər nəticəsində qanunsuz meşə qırıntılarının həcminin ilbəil azalmasına nail olunmuşdur.
Ümumilikdə 49,97 ha meşə ərazisində yanğın hadisəsi baş vermiş, lakin bunun qabağı vaxtında alındığından meşə fonduna ciddi ziyan dəyməmişdir.
Bölmənin digər xəbərləri
