MİLLİ AVİASİYA AKADEMİYASININ TƏLƏBƏLƏRİ XOCALI FACİƏSİ İLƏ BAĞLI KOMPOZİSİYA GÖSTƏRMİŞLƏR
Bakı, 25 fevral (AZƏRTAC). Milli Aviasiya Akademiyasının Tələbə Gənclər Təşkilatı və “Türkiyə Universitetləri Məzunları” İctimai Birliyi “Qafqaz Point” Hotelinin konfrans zalında Xocalı soyqrımının 18-ci ildönümünə həsr olunmuş “Qan yaddaşımız” adlı birgə ədəbi-bədii kompozisiya təşkil etmişlər.
Tədbirdə Xocalı soyqrımını əks etdirən, qan yaddaşımızı təzələyən fotoşəkillər, videolentlər və Milli Aviasiya Akademiyası tələbələrinin ifasında səhnəciklər göstərilmişdir.
Akademiyanın dil və ədəbiyyat kafedrasının müdiri, xalq şairi Nəriman Həsənzadə, hüquqşünaslıq kafedrasının müdiri professor İbrahim Quliyev, “Türkiyə Universitetləri Məzunları” İctimai Birliyinin sədri Çingiz Bayramov, gənclər və idman nazirinin müavini İntiqam Babayev, Türkiyə Respublikasının ölkəmizdəki səfirinin birinci müavini Nihat Civaner çıxış etmişlər.
Tədbirin sonunda respublikanın əməkdar artisti Azərin xanım məşhur “Çırpınırdı Qara dənız” şeirini söyləmişdir.
######
Bölmənin digər xəbərləri
