Misli Premyer Liqası: “Zirə” “İmişli” ilə oyunda xal itirib
Bakı, 26 sentyabr, AZƏRTAC
Misli Premyer Liqasında VI tura start verilib.
AZƏRTAC xəbər verir ki, açılış oyununda “Zirə" "İmişli"nin qonağı olub. Quba Olimpiya İdman Kompleksinin stadionunda keçiriləcək görüşdə qalib müəyyənləşməyib – 1:1.
Bu nəticədən sonra “qartallar" 12 xalla turnir cədvəlinə başçılıq edir. Bölgə təmsilçisi isə 8 xalla 5-ci yerdədir.
Günün ikinci oyununda "Qarabağ" "Qəbələ"ni qəbul edəcək. Qarşılaşma saat 19:00-da "Azərsun Arena"da start götürəcək.
Qeyd edək ki, VI tura sentyabrın 28-də yekun vurulacaq.
Bölmənin digər xəbərləri
