Misli Premyer Liqasında IV tura start verilir
Bakı, 12 sentyabr, AZƏRTAC
Bu gün futbol üzrə Misli Premyer Liqasında IV tura start veriləcək.
AZƏRTAC xəbər verir ki, ilk olaraq meydana "Araz-Naxçıvan" və "Kəpəz" komandaları çıxacaqlar. Qəbələ şəhər stadionunda keçiriləcək görüş saat 17:45-də başlanacaq.
Günün ikinci qarşılaşmasında isə "Zirə" "Qarabağ”ın qonağı olacaq. "Azərsun Arena"da təşkil olunacaq matç saat 20:00-da start götürəcək.
Aktivində 7 xal olan “Zirə” hazırda turnir cədvəlinə başçılıq edir. “Araz-Naxçıvan” 7 xalla 3-cü, "Qarabağ" 3 xalla 7-ci, xalı olmayan "Kəpəz" isə sonuncu – 12-ci pillədə yer alıb.
Qeyd edək ki, turun digər oyunları sentyabrın 13-14-də baş tutacaq.
Bölmənin digər xəbərləri
