Moldovada Rusiya ilə əlaqəli casus şəbəkəsi ifşa edilib
Bakı, 11 iyul, AZƏRTAC
Moldovada sabitliyi pozmaq məqsədilə dövlətə xəyanət və casusluqla məşğul olan casus şəbəkəsi ifşa edilib.
AZƏRTAC xəbər verir ki, bu barədə ölkənin İnformasiya və Təhlükəsizlik Xidmətinin (İTX) rəhbəri Aleksandr Mustyats bildirib.
Qeyd edilib ki, cinayət işi üzrə təqsirləndirilən şəxslər Moldova və Rusiya vətəndaşlarıdır.
“Biz dövlətə xəyanət və casusluqla məşğul olan agentlər şəbəkəsini zərərsizləşdirməyə nail olduq. Ölkədə sabitliyi pozmağa hazırlaşan bir qrup şəxsə qarşı dövlətə xəyanət və casusluq maddəsi ilə cinayət işi məhkəməyə təqdim edilib”, - deyə İTX-nin rəhbəri vurğulayıb.
Bölmənin digər xəbərləri
