“MonacoSAT” şirkəti “Azərkosmos”la əməkdaşlıqda maraqlıdır
Bakı, 24 aprel, AZƏRTAC
“MonacoSAT” Beynəlxalq Kosmik Şirkəti Azərbaycan Kosmik Agentliyi (“Azərkosmos”) ilə əməkdaşlığa maraqlıdır.
AZƏRTAC xəbər verir ki, bu barədə “MonacoSAT”ın baş direktoru doktor İlhami Aygün Bakıda keçirilən Kosmik Texnologiyalar Konfransında (STC2025) bəyan edib.
“Gələcəkdə Azərbaycanla müxtəlif sahələrdə əməkdaşlıq imkanlarımız olacaq. Kosmik sahədə uzunmüddətli planlaşdırma çox mühüm rol oynayır. Bu ilin sonuna qədər Türkmənistana məxsus “MonacoSat-1” (“Türkmən Alem 52E”) peykinin əvəzləyicisinin istehsalına başlamaq planlaşdırılır. 2015-ci ildə biz ilk peykimiz olan “MonacoSat-1”i orbitə buraxdıq. Bu peyk Türkmənistana gücünün üçdə ikisi ilə icarəyə verildikdən sonra “Türkmən Alem 52E” kimi tanındı. Onun istismar müddəti 2030-cu ilə qədər nəzərdə tutulub, lakin ən gec 2028-ci ilə qədər əvəzləmək lazımdır. Bu ilin sonunadək həmin əvəzləyici peykin istehsalına başlamağı planlaşdırırıq. Yeni peyk də Ku diapazonunda işləyəcək və eyni regionu əhatə edəcək. Hazırda şirkət “MonacoSat-2” də daxil olmaqla yeni layihələr üzərində fəal işləyir”, – deyə İ. Aygün əlavə edib.
Bölmənin digər xəbərləri
