Monteneqro əhalisinin say nisbətinə görə ən çox ukraynalı qəbul edən ölkədir
Podqoritsa, 19 iyul, AZƏRTAC
Rusiya-Ukrayna müharibəsi başlayandan bu vaxtadək əhalisinin say nisbətinə görə ən çox ukraynalı qaçqın qəbul edən ölkə Monteneqro olub.
AZƏRTAC xəbər verir ki, hazırda Monteneqro əhalisinin 5,4 faizi ukraynalı qaçqınlardan ibarətdir və ölkədə təxminən 33 min nəfər Ukrayna vətəndaşı yaşayır.
Əhali sayına görə Ukraynadan ən çox qaçqın qəbul edən ölkələr siyahısında Monteneqronu 4,9 faizlik göstərici ilə Çexiya, 4,2 faizlə Polşa və Moldova izləyir.
Qeyd edək ki, 2022-ci il fevral ayının sonlarından indiyədək Ukrayna əhalisinin təxminən dörddəbiri - 8 milyon nəfər ölkəni tərk edərək Avropa ölkələrinə gedib. BMT-nin Qaçqınlar üzrə Ali Komissarlığının məlumatına görə, ən çox ukraynalı qəbul edən ölkələr Polşa (1,5 milyon), Almaniya (1 milyon) və Çexiyadır (0,5 milyon).
Nihad Budaqov
AZƏRTAC-ın xüsusi müxbiri
Podqoritsa
Bölmənin digər xəbərləri
