Musiqi məktəbinin şagirdi beynəlxalq müsabiqədə uğur qazanıb
Bakı, 17 iyun, AZƏRTAC
Bakı Şəhər Mədəniyyət Baş İdarəsinin 33 nömrəli uşaq musiqi məktəbinin Xalq çalğı alətləri şöbəsində nağara ixtisası üzrə təhsil alan
Əliabbas Musayev İspaniyada keçirilən “Talents of Europe” beynəlxalq müsabiqəsində uğurla iştirak edib.
İdarədən AZƏRTAC-a bildirilib ki, Əliabbas Musayev müsabiqədə instrumental ifaçılıq nominasiyası və 13-15 yaş qrupları üzrə birinci dərəcəli diploma layiq görülüb.
Gənc istedad bu müsabiqədə "Şərq ritmləri" kompozisiyası ilə çıxış edib. Onu da qeyd edək ki, bu, Əliabbasın ilk uğuru deyil. O, dəfələrlə respublika və beynəlxalq müsabiqələrdə iştirak edərək, yüksək nailiyyətlər qazanıb.
Bölmənin digər xəbərləri
