Müstəqil Azərbaycanın bütün uğurları Ümummilli Liderin dühasının bəhrəsidir
Bakı, 12 dekabr, AZƏRTAC
Ümummilli lider Heydər Əliyevin müasir Azərbaycanın dirçəlişində və möhkəmləndirilməsində xidmətləri əvəzsizdir. Bu gün müstəqil respublikamızın əldə etdiyi böyük uğurlar Ulu Öndər dühasının bəhrəsidir.
Bu sözləri Ümummilli Liderin məzarını ziyarət etmək üçün Fəxri xiyabana gələn Azərbaycan Tələbə Gənclər Təşkilatları İttifaqının sədri Şahin İsmayılov AZƏRTAC-a müsahibəsində deyib.
Ulu öndər Heydər Əliyev respublikanın ictimai-siyasi həyatında, dövlət idarəçiliyində gənclərin daha fəal iştirakına xüsusi diqqət yetirib, gənclər siyasətinin məqsəd, prinsip və istiqamətlərini, təşkilati-hüquqi əsaslarını müəyyən edib. Bütün bunlar ümummilli lider Heydər Əliyevin gənclərə böyük qayğısının sübutudur.
Azərbaycan gəncliyi hər zaman Ulu Öndərin xatirəsini əziz tutacaq dövlətimizin qüdrətinin artması, xalqımızın rifahının yüksəlməsi, ölkəmizin inkişafı üçün həyata keçirilən işlərdə yaxından iştirak edəcəkdir.
Bölmənin digər xəbərləri
