MÜXTƏLİF YAŞLARDAN OLAN ZİYARƏTÇİLƏRİ BİR HİSS BİRLƏŞDİRİR: PREZİDENT HEYDƏR ƏLİYEVƏ SONSUZ MƏHƏBBƏT
Bakı şəhər sakini GÜLMURAD QURBANOV AZƏRTAC-ın müxbirinə demişdir ki, 80 yaşım var. Dahi insanın məzarını ziyarət edən zaman xəyalım məni uzaqlara apardı. Həyatın hər üzünü görmüşəm. Hər xasiyyətli adamla işləmişəm. Razılaşarsınız ki, ən azsaylı kollektivdə belə fərqlənib müəyyən mövqe tutmaq nə qədər çətindir. Kənd, rayon, şəhər, respublika miqyasında bu iş daha da mürəkkəbləşir. Görün Heydər Əliyev nə qədər istedadlı, əməksevər və qüdrətli idi ki, çalışdığı bütün sahələrdə birinci olub. Sovet İttifaqı kimi nəhəng, dünyaya meydan oxuyan bir dövlətin təhlükəsizlik orqanlarının generalı olmaq çox az adama nəsib olub. Respublikamıza rəhbərlik etdiyi illəri hamımız haqlı olaraq Azərbaycanda intibah dövrü adlandırırıq. İttifaqın müxtəlif guşələrində Heydər Əliyev Siyasi Büroya üzv seçiləndə, ölkə hökumətində ikinci adam olanda bütün türk dünyası iftixar hissi keçirirdi. Yadımdadır, ən problemli məsələləri araşdırmaq üçün yaradılan komissiyalara o başçılıq edirdi. Çünki prinsipiallığı, ədalətliliyi məlum idi. Bu Böyük Azərbaycanlı olmasaydı, bu gün müstəqil Azərbaycandan danışmağa dəyməzdi. Dövlətimizi, dövlətçiliyimizi o qoruyub saxladı. Allah rəhmət eləsin, qəbri nurla dolsun. Bu gün övladlarımız onun bərqərar etdiyi sabitlik sayəsində xoşbəxt ömür sürürlər. İnşallah, yadigarı Prezidentimiz İlham Əliyev onun yolunu uğurla davam etdirəcək”.
AYSEL SƏFƏROVA (Gənc musiqiçi): “Dünya şöhrətli Prezidentimizə məhəbbətim köksümə sığmır. Onu bütün uşaqlar və gənclər sevirdilər. Çünki bizim xoşbəxt gələcəyimiz üçün nə lazımdırsa, hamısını edirdi. Dahi rəhbərimizin vəfatı xəbərini eşidəndə çox sarsıldım. Elə bu sarsıntı ilə də royalın arxasına keçdim. “Elegiya”m belə yarandı. Demək olar ki, hər gün dərslərimə başlamazdan əvvəl bu “əsərimi” çalıram. Yəqin ki, təcrübə topladıqdan sonra Heydər babaya layiq əsər bəstələyəcəyəm. Allah rəhmət eləsin”.
Bölmənin digər xəbərləri
