“NALCO Champion” şirkətinin istehsalı olan reagent “Ekol Mühəndislik Xidmətləri” QSC-də sınaqdan keçiriləcək
Bakı, 2 dekabr, AZƏRTAC
“Ekol Mühəndislik Xidmətləri” Qapalı Səhmdar Cəmiyyətində (QSC) çirkab sularının təmizlənməsində istifadə olunan kimyəvi reagentlərin istehsalı sahəsində tanınmış “NALCO Champion” şirkətinin nümayəndələri ilə görüş keçirilib.
QSC-dən AZƏRTAC-a bildiriblər ki, müəssisənin baş direktorunun müavini Rəşad İsmayılov qonaqlara “Ekol Mühəndislik Xidmətləri”nin fəaliyyəti barədə məlumat verib. “NALCO Champion” şirkətinin Xəzər regionu üzrə layihə meneceri Melek Şenkya təmsil etdiyi şirkətin fəaliyyəti, həyata keçirdiyi layihələr və əməkdaşlıq əlaqələri barədə danışıb.
Sonra mövzu ətrafında müzakirələr aparılıb və “NALCO Champion” şirkətinin istehsalı olan “Emulsotron SX 4283” reagentinin QSC-nin FOX-15 qurğusunda sınaqdan keçirilməsi qərara alınıb.
Bölmənin digər xəbərləri
