Nazir müavini: Laçın beynəlxalq miqyasda Azərbaycanın mədəniyyət beşiklərindən biri kimi təqdim olunub
Laçın, 29 noyabr, Leyla Muradzadə, AZƏRTAC
Prezident İlham Əliyevin rəhbərliyi ilə həyata keçirilən genişmiqyaslı yenidənqurma işləri maddi və qeyri-maddi mədəni irsimizin işğaldan azad olunmuş ərazilərdə dirçəldilməsini təmin edir. Laçın şəhərinin 2025-ci il üçün “MDB-nin Mədəniyyət Paytaxtı” elan edilməsi bu şəhərin beynəlxalq miqyasda Azərbaycanın mədəniyyət beşiklərindən biri kimi təqdim olunmasında mühüm rol oynayıb.
AZƏRTAC xəbər verir ki, bu sözləri jurnalistlərə müsahibəsində mədəniyyət nazirinin müavini Fərid Cəfərov deyib.
Nazir müavini Laçın şəhərində keçirilən “MDB ölkələrində müasir kino istehsalının inkişafı” mövzusunda dəyirmi masanın ölkələrarası əməkdaşlığa töhfə verəcəyini söyləyib.
Fərid Cəfərov bu gün MDB ölkələrinin kino qurumlarının rəhbər şəxslərinin və nümayəndələrinin iştirakı ilə kino sənayesinin inkişaf etdirilməsi istiqamətində faydalı təcrübə mübadiləsi apardığını diqqətə çatdırıb. O, belə tədbirlərin əməkdaşlıq baxımından faydalı olduğunu bildirib.
Bölmənin digər xəbərləri
