Neftçala rayon sakini intihar etmişdir
Bakı, 27 yanvar (AZƏRTAC). Yanvarın 18-də Neftçala rayon sakini 1980-ci il təvəllüdlü Aydın Abbasov sərxoş halda ictimai qaydanı kobud surətdə pozmuş, onu intizama dəvət edən rayon Polis Şöbəsinin əməkdaşlarına qarşı müqavimət göstərmiş, habelə onlara kömək edən rayon sakini Mehman Dadaşovu yumruqla vuraraq gödəkçəsini cırmışdır.
Daxili İşlər Nazirliyinin mətbuat xidmətindən AZƏRTAC-a bildirmişlər ki, qeyd edilənlərlə əlaqədar rayon prokurorluğu tərəfindən Cinayət Məcəlləsinin 315.1-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanmış və A.Abbasov saxlanılaraq Rayon Polis Şöbəsinin Müvəqqəti Saxlama Təcridxanasına (MST) yerləşdirilmişdir.
Yanvarın 26-da saat 16.56-da A.Abbasov MST-də mələfə ilə özünü dəmir barmaqlıqdan asmışdır. Mərhumun intihardan əvvəl yazdığı məktub aşkar edilmişdir. Orada yazılıb: “Ata, ana özümlə bacara bilmirəm. Bu həyatda yaşamaq istəmirəm. Ölümümdə heç kimin günahı yoxdur”.
Bölmənin digər xəbərləri
