“NEFTÇİ” ÇEMPİONLAR LİQASININ İKİNCİ TƏSNİFAT MƏRHƏLƏSİNƏ ÇIXMIŞDIR
Xatırladaq ki, Şiroki briyeq şəhərində keçirilmiş birinci oyunda meydan sahibləri 2:1 hesabı ilə qalib gəlmişdilər.
Bakıdakı qarşılaşma “Neftçi” komandasının hücumları ilə başlandı. Futbolçularımız rəqiblərini onların cərimə meydançasına sıxışdıraraq, tez-tez təhlükəli vəziyyətlər yaradırdılar. İki dəfə isə qonaqları qapı dirəyi xilas etdi. Bakılıların aramsız hücumları yalnız oyunun 79-cu dəqiqəsində qolla nəticələndi. Emin Quliyev cərimə zərbəsi ilə vurulan topu başla qapıdan keçirdi.
Beləliklə, “Neftçi” ikinci təsnifat mərhələsində mübarizəni davam etdirmək hüququ qazandı. Bu mərhələdə komandamızın rəqibi Moskvanın Mərkəzi Ordu İdman Klubu olacaqdır.
Bölmənin digər xəbərləri
