Nöqsanlara yol vermiş müəssisə rəhbərlərinə töhmət verilmişdir
Bakı, 17 dekabr (AZƏRTAC). Ekologiya və Təbii Sərvətlər Nazirliyinin kollegiya iclasında 2011-ci ilin 11 ayı ərzində ətraf mühitin mühafizəsi sahəsində qazanılan uğurlarla bərabər, bir sıra nöqsan və çatışmazlıqların olduğu da qeyd olunmuşdur.
Nazirliyin mətbuat xidmətindən AZƏRTAC-a bildirmişlər ki, nöqsanlara yol vermiş müəssisə rəhbərlərinin izahatları dinlənilmiş, qısa müddətdə səhvlərin aradan qaldırılması üçün konkret tapşırıqlar verilmişdir.
İşlərində yol verdikləri nöqsanlara görə Şahdağ Milli Parkının direktoruna şiddətli töhmət, 4 və 5 saylı ərazi ekologiya və təbii sərvətlər şöbələrinin direktorlarına töhmət verilmişdir. Bundan başqa, 8 saylı Ərazi Ekologiya və Təbii Sərvətlər şöbəsinin direktorunun vəzifəyə uyğun olub-olmamasının araşdırılması tapşırılmışdır.
Bölmənin digər xəbərləri
