Noyabr ayında havanın orta aylıq temperaturunun normaya yaxın olacağı gözlənilir
Bakı, 4 noyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, noyabr ayında havanın orta aylıq temperaturunun normaya yaxın olacağı gözlənilir.
Ay ərzində respublika üzrə yağıntılar bərabər paylanacaqdır. Yağıntının miqdarının iqlim normasına yaxın, bəzi yerlərdə isə normadan bir qədər çox olacağı ehtimal olunur. İkinci və üçüncü ongünlüklərin bəzi günlərində havanın temperaturu aşağı enəcək, dağlıq və dağətəyi rayonlarda qar yağacaqdır.
Bakıda və Abşeron yarımadasında havanın orta aylıq temperaturunun müsbət 10-12 dərəcə olacağı gözlənilir ki, bu da iqlim normasına yaxındır. Ayın əvvəlində havanın temperaturu gündüzlər müsbət 16-21, gecələr müsbət 11-14, ikinci və üçüncü ongünlüyün bəzi günlərində gündüz müsbət 9-12, gecələr müsbət 5-8 dərəcə təşkil edəcəkdir. Aylıq yağıntının miqdarı iqlim normasına yaxın, bəzi yerlərdə (norma 24-38 millimetr) isə normadan çox olacaqdır.
Naxçıvan Muxtar Respublikasında havanın orta aylıq temperaturunun müsbət 5-8 dərəcə olacağı gözlənilir ki, bu da iqlim normasına yaxındır. Ayın əvvəlində gündüzlər temperaturun müsbət 17-22, gecələr müsbət 6-11, ikinci və üçüncü ongünlüyün bəzi günlərində gündüzlər müsbət 6-10, gecələr 0-5 dərəcə şaxta təşkil edəcəyi gözlənilir. Aylıq yağıntının miqdarı iqlim normasına yaxın (norma 18-28 millimetr) olacaqdır.
Yuxarı Qarabağ-Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy zonalarında havanın orta aylıq temperaturu müsbət 3-4 dərəcə olacaqdır ki, bu da iqlim normasına yaxındır. Ayın əvvəlində gündüzlər müsbət 13-18, gecələr müsbət 3-8 dərəcə, ikinci və üçüncü ongünlüyün bəzi günlərində gündüzlər müsbət 2-7, gecələr 0-5 dərəcə şaxta təşkil edəcəkdir. Aylıq yağıntının miqdarı iqlim normasına yaxın (norma 27-34 millimetr), bəzi yerlərdə isə bir qədər çox olacaqdır.
Qazax, Gəncə, Goranboy, Tərtər, Ağdam, Ağcabədi, Füzuli, Cəbrayılda havanın orta aylıq temperaturunun müsbət 6-8 dərəcə olacağı gözlənilir ki, bu da iqlim normasına yaxındır. Ayın əvvəlində gündüzlər havanın müsbət 15-20, gecələr müsbət 6-11 dərəcə, ikinci və üçüncü ongünlükdə gündüzlər müsbət 6-11, gecələr müsbət 1-5, bəzi günlərdə 0-3 dərəcə şaxta olacağı ehtimalı vardır. Aylıq yağıntının miqdarı iqlim normasına yaxın (norma 15-24 millimetr), bəzi yerlərdə isə bir qədər çox müşahidə ediləcəkdir.
Balakən, Zaqatala, Qax, Şəki, Oğuz, Qəbələ, İsmayıllı, Şamaxı, Xızı, Siyəzən, Şabran, Quba, Qusar, Xaçmaz zonalarında havanın orta aylıq temperaturunun müsbət 5-8 dərəcə olacağı gözlənilir ki, bu da iqlim normasına yaxındır. Ayın əvvəlində havanın temperaturu gündüzlər 13-18, gecələr müsbət 5-10, ikinci və üçüncü ongünlükdə gündüzlər müsbət 3-8, gecələr 0-3, bəzi günlərdə mənfi 1-5 dərəcə təşkil edəcəkdir. Aylıq yağıntının miqdarı iqlim normasına yaxın (norma 29-73 millimetr), bəzi yerlərdə isə bir qədər çox olacaqdır.
Mərkəzi Aran-Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında havanın orta aylıq temperaturunun müsbət 8-10 dərəcə olacağı gözlənilir ki, bu da iqlim normasına yaxındır. Ayın əvvəlində havanın temperaturu gündüzlər müsbət 18-23, gecələr müsbət 9-14, ikinci və üçüncü ongünlükdə gündüz müsbət 9-14, bəzi günlərdə müsbət 7, gecələr müsbət 3-8, bəzi günlərdə 0 dərəcəyə yaxın olacaqdır. Aylıq yağıntının miqdarı iqlim normasına yaxın (norma 25-45 millimetr), bəzi yerlərdə isə bir qədər çox təşkil edəcəkdir.
Masallı, Lənkəran, Astara, Lerik, Yardımlı zonasında havanın orta aylıq temperaturunun müsbət 9-11 dərəcə olacağı gözlənilir ki, bu da iqlim normasına yaxındır. Ayın əvvəlində havanın temperaturu gündüzlər müsbət 17-22, gecələr müsbət 8-13, ikinci və üçüncü ongünlüyün bəzi günlərində gündüzlər müsbət 7-12, gecələr müsbət 1-6, dağlarda isə mənfi 5 dərəcəyədək olacaqdır. Aylıq yağıntının miqdarı iqlim normasına yaxın (norma 55-170 millimetr), bəzi yerlərdə isə bir qədər çox olacaqdır.
Bölmənin digər xəbərləri
