Noyabr ayının müavinət, təqaüd və ünvanlı sosial yardımları ödənilib
Bakı, 26 noyabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən noyabr ayının müavinət, təqaüd və ünvanlı sosial yardımları ödənilib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, bununla da bu ayın bütün sosial ödənişləri başa çatdırılıb.
Noyabrın 7-də Bakı, Sumqayıt şəhərləri, Abşeron rayonu, Naxçıvan Muxtar Respublikası üzrə pensiyalar, 21-də isə digər bölgələrdə yaşayan pensiyaçıların və güzəştli şərtlərlə pensiya təyin edilmiş şəxslərin noyabr ayı üzrə pensiyaları çatdırılıb.
Bu gün isə noyabr ayının müavinət, təqaüd və ünvanlı dövlət sosial yardımları ödənilib.
Bölmənin digər xəbərləri
