Noyabrın 4-də hava meteohəssas insanlarda narahatlıq hissi yarada bilər
Bakı, 3 noyabr (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentindən AZƏRTAC-a verilən məlumata görə, noyabrın 4-də Bakıda və Abşeron yarımadasında hava şəraitinin dəyişkən buludlu olacağı, gündüz arabir tutulacağı, əsasən yağmursuz keçəcəyi, cənub-qərb, cənub küləyinin əsəcəyi gözlənilir.
Havanın temperaturu gecə müsbət 8-11, gündüz 14-17 dərəcə olacaqdır.
Azərbaycanın rayonlarında hava şəraitinin əsasən yağmursuz keçəcəyi, şərq küləyinin əsəcəyi gözlənilir. Havanın temperaturu gecə müsbət 5-10, gündüz 16-21, dağlarda gecə 0-3, gündüz 6-11 dərəcə təşkil edəcəkdir.
Abşeron yarımadasında hava şəraitinin tədricən mülayimləşməsi əksər meteohəssas insanlar üçün əlverişli olsa da, noyabrın 4-də atmosfer təzyiqinin xeyli enməsi, arabir güclənən gilavar küləyi bəzi meteohəssas insanlarda narahatlıq hissi yarada bilər.
Bölmənin digər xəbərləri
