OMBUDSMAN CƏLİLABADDA POLİS ƏMƏKDAŞLARI ÜÇÜN ZONA SEMİNAR-MÜŞAVİRƏSİ KEÇİRMİŞDİR
Azərbaycan Respublikasının insan hüquqları üzrə müvəkkili Elmira Süleymanova Daxili İşlər Nazirliyinin əməkdaşları ilə birlikdə Cəlilabad Rayon Polis Şöbəsində cənub bölgəsindəki polis şöbələrinin əməkdaşları üçün zona seminar-müşavirəsi keçirmişdir.
Ombudsman Aparatından AZƏRTAC-a bildirmişlər ki, müvəkkil bütün hüquq mühafizə orqanlarının fəaliyyətinin dövlətçiliyin qorunmasına yönəldilməsinin, qanunun aliliyinin təmin edilməsinin, hər bir polis işçisinin vəzifə borcuna vicdanla yanaşmasının vacibliyini vurğulamışdır.
Seminar-müşavirədə təcridxanaların vəziyyəti, burada saxlanılanların hüquqlarının qorunması, işgəncələrin, qanunsuz hərəkətlərin qarşısının alınması qaydaları barədə ətraflı məlumat verilmiş, jurnalistlərin sualları cavablandırılmışdır.
Bölmənin digər xəbərləri
