Ötən il 965 tona yaxın balıq ovlanıb
Bakı, 19 fevral, AZƏRTAC
Balıq ehtiyatlarının mühafizəsi və ondan səmərəli istifadənin təmin olunmasında balıq ovunun tənzimlənməsi xüsusi əhəmiyyətə malikdir.
Balıq və digər su bioloji resurslardan istifadə qaydalarına müvafiq olaraq ölkədə 2017-ci ildə 136 hüquqi və fiziki şəxsə balıq ovu üçün verilmiş 1024,9 ton kvotaya qarşı 964,9 ton balıq ovlanıb. 2016-cı illə müqayisədə ötən il ərzində balıq ovu 30,5 faiz artıb.
Bu barədə AZƏRTAC-a Dövlət Statistika Komitəsindən məlumat verilib.
Bildirilib ki, ovlanmış balıqların 559,1 tonu kilkə, 100,1 tonu kütüm, 74,9 tonu siyənək, 59,1 tonu kefal, 49,8 tonu külmə, 36,9 tonu çəki, 30,9 tonu çapaq, 24,7 tonu dabanbalığı, 5,6 tonu şamayı, 23,8 tonu digər balıqların payına düşüb.
Ötən il balıqçılar tərəfindən kvota üçün 41,1 min manat ödənilib.
Bölmənin digər xəbərləri
