Ötən il Ukrayna beynəlxalq tərəfdaşlarından 27 milyard dollar maliyyə yardımı alıb
Kiyev, 7 yanvar, AZƏRTAC
Ukrayna 2022-ci ildə beynəlxalq tərəfdaşlardan təxminən 1 trilyon qrivna (27 milyard ABŞ dolları) alıb. Bu məbləğin 410 milyard qrivnası (11,2 milyard dollar) ABŞ tərəfindən köçürülüb.
AZƏRTAC xəbər verir ki, bu barədə Ukraynanın Baş naziri Denis Şmıqal teleqram səhifəsində yazıb.
Baş nazirin sözlərinə görə, Ukraynaya beynəlxalq maliyyə yardımını əsasən, ABŞ, Avropa İttifaqı ölkələri, Avropa İnvestisiya Bankı, Beynəlxalq Valyuta Fondu, Kanada, Böyük Britaniya, Dünya Bankı və Yaponiya edib.
"Keçən il Ukraynaya maliyyə dəstəyi göstərən bütün ölkələrin hökumətlərinə və xalqlarına minnətdarıq. Bunun sayəsində biz pensiyaları, sosial ödənişləri, müəllimlərin və həkimlərin maaşlarını bir gün belə gecikdirmədik", - deyə Şmıxal şərh edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
