Ötən sutka ərzində havanın temperaturu iqlim normasından 5.3° yuxarı olub
Bakı, 27 aprel, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Xidmətinin aprelin 27-nə olan məlumatına əsasən, ötən sutka ərzində havanın temperaturu iqlim normasından 5.3° yuxarı olub,
Xidmətdən AZƏRTAC-a verilən məlumata görə, havanın maksimal temperaturu Bakıda və Abşeron yarımadasında 23°-dək isti, Naxçıvanda 23-27°, dağlıq rayonlarda 16-20°, aran rayonlarında 24-28° isti təşkil edib.
Bildirilib ki, aprelin 27-29-da ölkə ərazisində hava şəraitinin nisbətən sabit, gün ərzində əsasən yağmursuz keçəcəyi gözlənilir. Lakin gündüz saatlarında bəzi dağlıq rayonlarda şimşək çaxacağı, qısamüddətli yağış yağacağı, dolu düşəcəyi ehtimalı var. Mülayim cənub küləyi üstünlük təşkil edəcək.
Bölmənin digər xəbərləri
