Otuz yeddi yaşlı Olimpiya çempionu karyerasını bitirib
Bakı, 14 avqust, AZƏRTAC
Hokkey üzrə Kanada yığmasının heyətində “Soçi-2014” Qış Olimpiya Oyunlarında qızıl medal qazanan Den Hemyus karyerasını bitirib.
AZƏRTAC xəbər verir ki, idmançı 2001-ci ildə Milli Hokkey Liqasının (MHL) draftında “Neşvill” komandası tərəfindən seçilib. “Neşvill”də debüt edən hokkeyçi həmin klubda da karyerasını bitirib. İdmançı, həmçinin “Vankuver” və “Dallas” komandalarında da çıxış edib.
Otuz yeddi yaşlı hokkeyçi MHL-in müntəzəm çempionatında 1148 oyun keçirib və 356 xal toplayıb.
Qeyd edək ki, idmançı 2007-ci və 2015-ci illərdə dünya çempionatının qalibi olub.
Bölmənin digər xəbərləri
