Özbəkistan portalı Xocalı soyqırımı haqqında məqalə yayıb
Daşkənd, 24 fevral, АZƏRTAC
Özbəkistanın “azon.uz” portalı Xocalı soyqırımı haqqında məqalə yayıb.
AZƏRTAC xəbər verir ki, məqalədə XX əsrin ən dəhşətli faciələrindən biri olan Xocalı soyqırımı zamanı həlak olan, yaralanan və itkin düşən soydaşlarımız haqqında məlumat verilir. Bildirilir ki, bu kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca amansızlıqla qətlə yetirilib, 1275 dinc sakin girov götürülüb, onlardan 150 nəfərin taleyi hələ də məlum deyil.
Yazıda Xocalı soyqırımı dünyada törədilən Xatın, Xirosima, Naqasaki, Sonqmi kimi faciələrlə müqayisə edilir. Bəzi dövlətlərin, ABŞ-ın bir sıra ştatlarının və İslam Əməkdaşlıq Təşkilatının Xocalı soyqırımını tanıyan sənədlər qəbul etdikləri diqqətə çatdırılır.
Həmçinin məqalədə Qarabağ münaqişəsinin tarixi haqqında söhbət açılır, torpaqlarımızın 20 faizinin 30 il ərzində Ermənistanın işğalı altında qaldığı bildirilir. Vurğulanır ki, ötən il sentyabrın 27-də başlayan və 44 gün davam edən Vətən müharibəsi nəticəsində Azərbaycan öz torpaqlarını azad edib.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
