Papa Fransisk 38 gün sonra ictimaiyyət qarşısına çıxacaq
Vatikan, 22 mart, AZƏRTAC
Xəstəxanada müalicəsi davam edən Roma Katolik Kilsəsinin rəhbəri Papa Fransisk 38 gün sonra ictimaiyyət qarşısına çıxacaq.
AZƏRTAC xəbər verir ki, bu barədə Müqəddəs Taxt-Tacın mətbuat xidməti məlumat yayıb.
Bildirilir ki, pontifik martın 23-də müalicə olunduğu Romadakı “Gemelli” xəstəxanasının eyvanından buraya toplaşan insanlara müraciət edəcək, xeyir-dua verəcək.
Bu, Roma Papasının fevralın 14-də xəstəxanaya yerləşdirilməsindən sonra ictimaiyyət qarşısında ilk çıxış olacaq.
Həkimlər Fransiskin səhhətində yaxşılığa doğru irəliləyişin davam etdiyini açıqlayıblar.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
