Papa Fransisk Azərbaycanla Ermənistan arasındakı sülh prosesindən danışıb
Vatikan, 31 mart, AZƏRTAC
Roma Katolik Kilsəsinin rəhbəri Papa Fransisk Pasxa bayramı ilə əlaqədar Vatikanın Müqəddəs Pyotr meydanında ənənəvi “Urbi et Orbi” (“Romaya və dünyaya”) çıxışı zamanı Azərbaycan ilə Ermənistan arasındakı sülh prosesindən danışıb.
AZƏRTAC xəbər verir ki, katoliklərin ruhani lideri müharibədən sonra aparılan danışıqların əhəmiyyətini vurğulayıb.
Roma Katolik Kilsəsinin rəhbərinin fikrincə, tərəflər beynəlxalq ictimaiyyətin dəstəyi ilə dialoqu davam etdirə, köçkünlərə kömək edə, müxtəlif dini konfessiyaların ibadət yerlərinə hörmətlə yanaşa və ən qısa zamanda qəti sülh sazişinin imzalanmasına nail ola bilərlər.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
