PAYIZLIQ ƏKİNLƏR ÜÇÜN ŞUM APARILIR
Ağsu, 8 sentyabr (AZƏRTAC). Ağsu rayonunun torpaq mülkiyyətçiləri hazırda payız əkinlərinə ciddi hazırlıq görürlər.
Hazırda rayonun bütün ərazi bölgələrində kütləvi surətdə şum aparılır.
Rayon icra hakimiyyətinin aqrar şöbəsindən bildirmişlər ki, hər gün sahələrdə 40-dan çox şum traktoru işləyir. Mütəxəssislər şumun normal dərinlikdə, keyfiyyətlə çıxarılmasına ciddi nəzarət edirlər. İndiyədək 10 min hektardan çox sahədə bu mühüm aqrotexniki tədbir başa çatdırılmışdır.
Qarşıdakı payız mövsümündə gələn ilin məhsulu üçün 38 min hektardan çox sahədə taxıl əkiləcəyi gözlənilir. Taxılçılıqla məşğul olan fermerlər və torpaq mülkiyyətçiləri əkin sahələrini xeyli artıracaqlarını bildirirlər.
Bölmənin digər xəbərləri
