Paytaxt üzrə tullantı sularının təmizlənməsi sisteminin məhsuldarlığı 2,5 dəfədən çox artırılacaq
Bakı, 9 oktyabr, AZƏRTAC
Hazırda Abşeron yarımadasında məskunlaşmış əhalinin 70 faizə qədərinin mərkəzləşdirilmiş kanalizasiya sisteminə çıxışı yoxdur və tullantı sularının yalnız bir hissəsi (435 min kubmetr/gün) təmizlənərək Xəzər dənizinə buraxılır.
AZƏRTAC xəbər verir ki, bu barədə ictimaiyyətə təqdim olunan Bakı şəhərinin Baş planının layihəsində deyilir.
Bildirilir ki, kanalizasiya sisteminin imkanlarının artırılması çərçivəsində 4 yeni lokal sutəmizləyici qurğuların inşası təklif edilir. Bu layihələrin icrası Bakı şəhəri üzrə tullantı sularının təmizlənməsi sisteminin məhsuldarlığını 2,5 dəfədən çox artırmağa imkan verəcək.
Yerlərdə emal edilərək təmizlənmiş tullantı suları Böyükşor, Bülbülə, Xocasən və Zığ göllərini qidalandıraraq su hövzələrinin balansını etibarlı hədlərdə qorumaqla yanaşı, texniki məqsədlər, ətraf ərazilərin suvarılması və yaşıllaşdırılması üçün il ərzində 145 milyon kubmetrə qədər həcmdə əlavə texniki su hasil etmək imkanına malik olacaq.
Bölmənin digər xəbərləri
