Premyer Liqa: “Neftçi” “Kəpəz”ə, “Araz-Naxçıvan” “Sumqayıt”a qalib gəlib
Bakı, 15 fevral, AZƏRTAC
Misli Premyer Liqasında XX turun növbəti iki oyunu keçirilib.
AZƏRTAC xəbər verir ki, günün ilk matçında “Neftçi” səfərdə “Kəpəz”ə 3:1 hesabı ilə qalib gəlib.
Digər görüşdə isə “Araz-Naxçıvan” “Sumqayıt”ı minimal hesabla məğlub edib - 1:0.
Bu nəticələrdən sonra 30 xala malik üç komandadan “Neftçi” 5-ci, “Sumqayıt” 6-cı, “Araz-Naxçıvan” 7-cidir. “Kəpəz” isə 13 xalla 11-ci sırada qərarlaşıb.
Qeyd edək ki, tura fevralın 16-da keçiriləcək 2 oyunla yekun vurulacaq.
Bölmənin digər xəbərləri
