PREZİDENT FƏRMANI SOSİAL-İQTİSADİ İNKİŞAFA TƏKAN VERMİŞDİR

26.12.2003 [12:44]
Çap et
A⁺ A^-

“Azərbaycan Respublikasında sosial-iqtisadi inkişafın sürətləndirilməsi tədbirləri haqqında” Azərbaycan Respublikası Prezidentinin 24 noyabr tarixli Fərmanına uyğun olaraq, Tərtər rayonunda geniş tədbirlər planı həyata keçirilir.

Rayon icra hakimiyyətində AZƏRTAC-ın müxbirinə bildirmişlər ki, rayonun iqtisadiyyatının əsasını təşkil edən sahələrin inkişafı üzrə 2003-2008-ci illərə dair proqram hazırlanmış, sosial-iqtisadi problemlərin həlli istiqamətində görüləcək işlər müəyyənləşdirilmişdir. Proqramda yeni istehsal sahələrinin yaradılması, sahibkarlığın inkişaf etdirilməsi, təzə iş yerlərinin açılması və digər tədbirlərin həyata keçirilməsi nəzərdə tutulmuşdur.

Müharibədən zərər çəkmiş, tikintisi yarımçıq qalmış fərdi yaşayış evlərinin, məktəb, mədəniyyət və səhiyyə obyektlərinin bərpasını başa çatdırmaq və digər sosial obyektləri inşa etmək inkişaf proqramına daxil edilmişdir.

Rayonda Fərmandan irəli gələn vəzifələrin həyata keçirilməsinə başlanmışdır.