Qanunsuz balıq ovu ilə bağlı reydlər keçirilmişdir
Bakı, 20 may (AZƏRTAC). Ekologiya və Təbii Sərvətlər Nazirliyinin elektron ünvanına Mil-Muğan və Baş Şirvan kollektorlarında qanunsuz balıq ovu ilə bağlı daxil olmuş şikayətlər yerində araşdırılmışdır.
Nazirliyin mətbuat xidmətindən AZƏRTAC-a bildirmişlər ki, Salyan və Neftçala ərazisində 13 sahibsiz qayıq və 15 tor aşkar edilmişdir. Qayıq sahiblərinin şəxsiyyətləri müəyyənləşdirilmiş və onlar barəsində qanuna uyğun tədbirlər görülmüşdür.
Baş Şirvan kollektorunun Qaradağ ərazisində isə nazirliyin əməkdaşları Salyan rayonunun Qarabağlı kənd sakini Zülfü Nuriyevi torla qanunsuz balıq tutarkən saxlamış və inzibati qaydada məsuliyyətə cəlb etmişlər.
Bölmənin digər xəbərləri
