QAPİZ QAPİZOV: AZƏRBAYCANLILAR DAĞISTANIN HƏYATINDA ÇOX VACİB ROL OYNAYIRLAR
Bakı, 2 aprel (AZƏRTAC). Dağıstanda yaşayan azərbaycanlılar respublikamızın həyatında çox mühüm rol oynayırlar.
Bunu Rusiya Federasiyası Dağıstan Respublikasının gənclər məsələləri nazirinin müavini Qapiz Qapizov AZƏRTAC-a müsahibəsində bildirmişdir.
Qonaq demişdir ki, Azərbaycanla Dağıstan arasında əlaqələr həmişə yüksək səviyyədə olmuşdur. Dağıstanda çoxlu etnik azərbaycanlılar yaşayır. Onların arasında elmi işçilər, həkimlər, hətta nazirlər var.
Q.Qapizov Azərbaycanın Gənclər və İdman Nazirliyi ilə aprelin 2-də imzalanmış işçi protokolunun iki qurum arasında əməkdaşlığa daha böyük töhfə verəcəyinə ümid bəslədiyini söyləmişdir. Protokolda gənclər arasında təcrübə mübadiləsi, uşaqların istirahəti, mədəni tədbirlər, idman sahəsində əməkdaşlıq və digər məsələlər öz əksini tapmışdır.
Bölmənin digər xəbərləri
