“Qarabağ” komandası yenidən hesabda irəli çıxıb
Bakı, 4 noyabr, İlyas Zeynallı, AZƏRTAC
“Qarabağ” komandası Qazaxıstanın “Kayrat” klubu ilə oyunda yenidən hesabda irəli çıxıb.
AZƏRTAC xəbər verir ki, Almatıdakı “Ortalık” stadionunda keçirilən görüşdə matçın 57-ci dəqiqəsində ağdamlılar İbrahim Vadjinin qolu ilə hesabı açsalar da, 11 dəqiqə sonra hesab bərabərləşib. “Kayrat”ın hücumçusu Joze Kante hesabda tarazlığı bərpa edib.
Lakin görüşün 72-ci dəqiqəsində ağdamlılar yenidən hesabda irəli çıxıblar. Bu dəfə “Qarabağ”ın heyətində Abdullah Zubir fərqlənib - 2:1.
Oyunu moldovalı FIFA referisi Dumitri Muntian idarə edir.
Xatırladaq ki, “Qarabağ” klubu birinci turda “Bazel” ilə heç-heçə edib - 0:0. Qurban Qurbanovun yetirmələri ikinci turda Kiprdə “Omoniya” klubunu 4:1 hesabı ilə darmadağın ediblər. Ağdam təmsilçisi üçüncü turda “Kayrat”ı 2:1 hesabı ilə üstələyib.
Qeyd edək ki, UEFA Konfrans Liqasında qrupların liderləri birbaşa səkkizdəbir finala yüksələcəklər. İkinci yeri tutan komandalar isə UEFA Avropa Liqasında qrupları üçüncü sırada başa vuran kollektivlərlə pley-off matçları keçirəcəklər.
Bölmənin digər xəbərləri
