“Qarabağ”dan ayrılan futbolçu sabiq klubuna qayıdıb
Bakı, 11 sentyabr, AZƏRTAC
“Sabah” daha bir futbolçunun keçidini rəsmiləşdirib.
Klubdan AZƏRTAC-a bildirilib ki, yarımmüdafiəçi Aleksey İsayev “Qarabağ” klubundan transfer edilib.
Futbolçu ilə ikiillik müqavilə bağlanıb. Aleksey daha öncə də “Sabah”ın uğurları üçün çalışıb. O, 2020-2024-cü illər aralığında komandanın üzvü olub. 29 yaşlı futbolçu “Sabah”da ümumilikdə 108 oyun keçirib, 12 qol vurub.
Bölmənin digər xəbərləri
