Qazaxıstan idmançıları III MDB Oyunlarında iştirak etmək üçün Azərbaycana gəliblər
Bakı, 26 sentyabr, AZƏRTAC
Sentyabrın 26-da Qazaxıstanın üzgüçülük, atıcılıq və boks idman növləri üzrə 51 nəfərdən ibarət heyəti Azərbaycanın ev sahibliyi edəcəyi III MDB Oyunlarında iştirak etmək üçün Bakıya gəlib.
AZƏRTAC xəbər verir ki, Heydər Əliyev Beynəlxalq Aeroportunda qazaxıstanlı idmançıları III MDB Oyunlarının Təşkilat Komitəsinin nümayəndələri qarşılayıblar.
III MDB Oyunları 28 sentyabr - 8 oktyabr tarixlərində Azərbaycanın yeddi şəhərində – Gəncə, Yevlax, Mingəçevir, Qəbələ, Şəki, Göygöl və Xankəndidə keçiriləcək. Açılış və bağlanış mərasimləri Gəncə şəhər stadionunda olacaq.
Bölmənin digər xəbərləri
