QAZAXISTAN PREZİDENTİ NURSULTAN NAZARBAYEV XALQA MÜRACİƏT ETMİŞDİR
AZƏRTAC-ın xüsusi müxbiri xəbər verir ki, prezidentin müraciətində deyilir ki, ölkənin sosial-iqtisadi inkişafı bir sıra göstəricilərə görə Mərkəzi Avropa ölkələrinə yaxınlaşmış, Cənub-Şərqi Avropa ölkələrini isə qabaqlamışdır. Qazaxıstanda yaradılmış inkişaf institutları uğurla fəaliyyət göstərir. Qazaxıstanın İnkişaf Bankı ötən il 500 milyon dollar dəyərində 20 layihəni maliyyələşdirmişdir.
Nazarbayev qeyd etmişdir ki, Qazaxıstan ötən il özünü təmin etməklə yanaşı, xaricə 5 milyon ton taxıl satmışdır. Onun sözlərinə görə, həyat səviyyəsi get-gedə yüksəlir. Təqaüdlərin və əmək haqqının minimum həddi 2 dəfə artmışdır. Dünya Bankının göstəricilərinə görə, Qazaxıstan gəliri orta səviyyədən yüksək olan ölkələr qrupuna daxildir.
Bölmənin digər xəbərləri
