Qazaxıstanda Dezinformasiya ilə Mübarizə Mərkəzi yaradılıb
Astana, 1 avqust, AZƏRTAC
Qazaxıstan Respublikasının Prezidenti yanında Mərkəzi Kommunikasiyalar Xidmətinin strukturunda Dezinformasiya ilə Mübarizə Mərkəzi fəaliyyətə başlayır.
AZƏRTAC Mərkəzi Rabitə Xidmətinə istinadla xəbər verir ki, yeni struktur vətəndaşların etibarlı məlumat almaq hüququnun təmin edilməsində mühüm vasitəyə çevriləcək.
Mərkəzin əsas vəzifələri sırasında yalan məlumatların aşkar və təkzib edilməsi, vətəndaşların mühüm mövzular üzrə obyektiv, yoxlanılmış məlumatlarla təmin olunması, məsuliyyətli məlumat istehlakı mədəniyyətinin inkişafıdır.
Qeyd olunur ki, bu mərkəz informasiya axınında naviqasiya vasitəsinə çevriləcək. Onun fəaliyyəti dövlət qurumları, ekspert icması, jurnalistlər və vətəndaşlarla əməkdaşlıq şəraitində aparılacaq.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
