Qazaxıstanın Kurık limanı yükdaşımalar üzrə yeni rekorda imza atıb
Astana, 5 iyun, AZƏRTAC
Bu ilin mayında Qazaxıstanın Kurık limanı fəaliyyətə başlayandan bəri aylıq yükdaşıma üzrə rekord göstəricilərə nail olub.
AZƏRTAC xəbər verir ki, yükdaşıma həcm 267 min ton təşkil edib ki, bu da 2023-cü ilin iyun ayının əvvəlki rekordundan (251 min ton) 7 faiz çoxdur.
İxrac strukturunda ən çox arpa olmaqla dənli bitkilər, neft məhsulları (mazut) və kimya məhsulları üstünlük təşkil edib.
Kurık limanı Xəzər dənizinin şərq sahilində, Aktau limanının cənubunda yerləşir və təbii buxtada, yükləmə-boşaltma əməliyyatları, xüsusən də vaqonların açılıb-qoşulması əməliyyatları üçün daha əlverişli hava şəraitini təmin edən körfəzdə yerləşir.
Bərə kompleksində taxıl, neft məhsulları, gübrələr, kimyəvi maddələr və digər növ yüklərin aşırılması əməliyyatları həyata keçirilir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
