Qəbələ xəstəxanasında ilk - Mürəkkəb total splenektomiya əməliyyatı uğurla icra edildi
Qəbələ, 3 mart, AZƏRTAC
Qəbələ Rayon Mərkəzi Xəstəxanasında növbəti mürəkkəb cərrahi prosedur - ilk dəfə total splenektomiya əməliyyatı uğurla icra olunub.
Rayon mərkəzi xəstəxanasından AZƏRTAC-ın bölgə müxbirinə verilən məlumata görə, həkim cərrah Fariz Abdullayev, assistent həkim cərrah-uroloq Elçin Bağırlı və həkim anestezioloq-reanimatoloq Azər Söhbətov tərəfindən icra edilən total splenektomiya əməliyyatından sonra pasiyent sağlamlığına qovuşub.
Səhiyyə müəssisəsindən bildirilib ki, 2003-cü il təvəllüdlü (kişi cinsli) pasiyentə dalağın iriölçülü exinokok kistası diaqnozu təyin olunub və cərrahi əməliyyat tövsiyə edilib.
Müalicəsi müəssisənin Cərrahiyyə şöbəsində davam etdirilən pasiyentin vəziyyəti stabil qiymətləndirilir.
Rasim İslamoğlu – müxbir
Bölmənin digər xəbərləri
