Qərbi Balkan ölkələrində havanın temperaturu rekord həddə çatıb
Sarayevo, 18 iyul, AZƏRTAC
Bosniya və Herseqovina, Serbiya və Monteneqroda havanın temperaturunda rekord göstəricilər qeydə alınır.
AZƏRTAC xəbər verir ki, Bosniya və Herseqovina Hidrometeorologiya İnstitutu anomal istilərin yaratdığı təhlükə barədə “qırmızı” xəbərdarlıq elan edib. İyulun 18-19-da ölkə ərazisində saat 12:00-dan 18:00-dək havanın temperaturunun 34-40 dərəcə arasında dəyişəcəyi bildirilib.
Serbiyada havanın temperaturu 40 dərəcə olmaqla pik həddə çatıb. Əhaliyə günvurma və istivurma hallarından qorunması barədə xəbərdarlıq edilib.
Monteneqro Hidrometeorologiya və Seysmologiya İnstitutu da iyulun 18-dən etibarən “qırmızı” xəbərdarlıq elan edib, temperaturun 40 dərəcədən yuxarı qalxmasının gözlənildiyi açıqlanıb.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
