Qərənfil Dünyaminqızı: “Tanrıya məktublar” mənəvi axtarışların poetik ifadəsidir
Bakı, 28 noyabr, AZƏRTAC
“Tanrıya məktublar” kitabı müəllifin daxili mənəvi axtarışlarını bədii sözün ən incə qatları ilə birləşdirən, oxucunu düşündürən və ruhən zənginləşdirən ədəbi nümunədir. Bəhruz Niftəliyevin söz aləminin özünəməxsusluğu həm şeirlərində, həm də publisistikasında aydın şəkildə görünür. Onun imzası artıq illərdir ədəbiyyat və media mühitində tanınır, qəbul olunur.
Bunu AZƏRTAC-a açıqlamasında Əməkdar jurnalist Qərənfil Düyaminqızı “Tanrıya məktublar” kitabının təqdimatında deyib.
Əməkdar jurnalistin sözlərinə görə, müəllifin söz çələngi zəngindir. “İfadələri, düşüncələri, poetik təsvirləri daim səmimiyyət bəxş edir. O, həmçinin televiziya strukturuna dair monoqrafiya müəllifidir ki, bu da onun peşəkar yanaşmasının və geniş dünyagörüşünün göstəricisidir”,- deyə Q.Dünyaminqızı əlavə edib.
Bölmənin digər xəbərləri
