Qış Olimpiya Oyunları: Norveç millisi cəzalandırılıb
Bakı, 16 fevral, AZƏRTAC
Beynəlxalq Xizək və Snoubord Federasiyası (FIS) Norveç millisinin xizək komandasını cəzalandırıb.
AZƏRTAC xarici mətbuata istinadən xəbər verir ki, sanksiya İtaliyada keçirilən Qış Olimpiya Oyunları zamanı baş verən qayda pozuntusu ilə bağlı tətbiq olunub.
Estafet yarışının keçirildiyi gün Norveç komandasının əməkdaşlarından biri bağlı elan edilən trasda olub. Bu səbəbdən komanda fevralın 18-dək trasda bir nəfər az heyətlə çalışacaq.
Həmin əməkdaşın səhvini etiraf etdikdən sonra münsiflər heyətindən üzr istədiyi bildirilib.
Qeyd edək ki, “Milan-Kortina-2026” Qış Olimpiya Oyunlarına fevralın 22-də yekun vurulacaq.
Bölmənin digər xəbərləri
