Qızıl medal qazanan boksçu: Təlim-məşq toplanışına yaxşı hazırlaşmışdım, bəhrəsini də gördüm
Yevlax, 5 oktyabr, AZƏRTAC
III MDB Oyunlarının təlim-məşq toplanışına yaxşı hazırlaşmışdım, onun da bəhrəsini gördüm.
Bu sözləri AZƏRTAC-a açıqlamasında III MDB Oyunlarında qızıl medal qazanan Azərbaycan boksçusu Əli Əliyev söyləyib.
O bildirib ki, turnir ərzində üç döyüş keçirib: “İlk döyüşümdə qırğızıstanlı idmançı ilə qarşılaşdım və qalib gələrək yarımfinala yüksəldim. Yarımfinalda qazaxıstanlı boksçu ilə döyüşdüm və onu da məğlub etdim”.
Əli Əliyev diqqətə çatdırıb ki, finalda Tacikistan təmsilçisinə qalib gələrək qızıl medala sahib olub.
Boksçunun sözlərinə görə, yarışlar ona gələcək döyüşləri üçün böyük təcrübə qazandırıb.
Bölmənin digər xəbərləri
