Ronaldo Səudiyyə Ərəbistanında ilk kuboku qazanıb
Bakı, 13 avqust, AZƏRTAC
“Əl-Nasr” Ərəb Çempionlar Kubokunun final oyununda “Əl-Hilal”ı məğlub edib.
AZƏRTAC xəbər verir ki, Taifdəki Kral Fəhd Beynəlxalq Stadionunda keçirilən görüş əlavə vaxtdan sonra 2:1 hesabı ilə başa çatıb. “Əl-Nasr”ın hücumçusu Kriştiano Ronaldo iki dəfə fərqlənib.
Bununla Ronaldo “Əl-Nəsr” klubunda ilk kuboku qazanıb.
Ümumilikdə Ronaldonun klub səviyyəsində 30 kuboku var.
Ötən mövsüm “Əl-Nəsr” liqanı “Əl-İttihad”dan sonra ikinci yerdə tamamlayıb.
Ronaldonun son Avropa klubu İngiltərənin "Mançester Yunayted"i olub.
Bölmənin digər xəbərləri
