Rusiya 47 ildən sonra ilk dəfə Aya kosmik gəmi göndərib
Bakı, 11 avqust, AZƏRTAC
Rusiya 47 ildən sonra ilk dəfə su mənbəyi axtarmaq üçün Aya kosmik gəmi göndərib.
AZƏRTAC Rusiya KİV-lərinə istinadən xəbər verir ki, Rusiya Federal Kosmik Agentliyi (Roskosmos) paytaxt Moskvanın 5 min kilometr şimalındakı “Vostoçnıy” kosmik stansiyasından “Luna-25” kosmik gəmisini daşıyan “Soyuz 2.1V” raketini buraxıb.
“Luna-25” uğurlu buraxılışdan sonra uçuş orbitinə daxil olub. Kosmik gəminin avqustun 21-də Ayın cənub qütbünə enməsi planlaşdırılıb.
Roskosmosun rəhbəri Yuri Borisov qarşıdakı illərdə də Aya kosmik gəmilərin göndərilməsinin nəzərdə tutulduğunu qeyd edib.
Bölmənin digər xəbərləri
