RUSİYA DÜŞÜNÜLMÜŞ MİQRASİYA SİYASƏTİ YÜRÜTMƏLİDİR
G.Qudkov qeyd etmişdir ki, o, miqrasiya siyasətinin həddən çox sərtləşdirilməsinin yox, onun daha loyal və çevik aparılmasının tərəfdarıdır. Onun fikrincə, bütün MDB dövlətlərinin bir vaxtlar vahid məkana daxil olduğunu xatırlamaq vacibdir. Bu amil miqrasiya siyasətində mütləq nəzərə alınmalıdır. Onun sözlərinə görə, başlıcası, qonşularla dostluq şəraitində yaşamaq deyil, onlarla əməkdaşlığı hər cür genişləndirməkdir. Miqrasiya siyasəti buna ancaq kömək göstərməlidir. Rusiya deputatı demişdir: “İnsanların növbələrdə, son dərəcə sərt qeydiyyat, müxtəlif sənədlərin alınması prosedurlarında alçaldılması xalqlar arasındakı münasibətlərə mənfi təsir göstərir. Zənnimcə, terrorizm, bir çox sərhədlərin, buradakı avadanlığın, buraxılış məntəqələrinin yoxluğu problemlərinin mövcudluğuna baxmayaraq, bu məsələdə daha loyal olmalıyıq”.
Bölmənin digər xəbərləri
