Rusiya mətbuatı “Crocus City Hall”da baş verənləri terror aktı adlandırıb
Moskva, 22 mart, AZƏRTAC
Moskvadakı “Crocus City Hall” ticarət mərkəzində atışma və partlayış nəticəsində azı 15 nəfərin öldüyü, 35 nəfərin yaralandığı bildirilir.
AZƏRTAC xəbər verir ki, şahidlərin sözlərinə görə, üç nəfər avtomatlı şəxs ticarət mərkəzinə daxil olub, “Piknik” qrupunun konserti olan zalda tamaşaçılara atəş açıb və qumbara atıblar. Hazırda binada yanğın başlayıb, 100-ə yaxın insan köməksiz vəziyyətdə qalıb.
Yanğınsöndürənlər xüsusi təyinatlıların gəlişini gözləyidikləri üçün yanğını söndürə bilmirlər.
“Crocus City Hall” yerləşdiyi Moskva vilayətinin Krasnoqorsk şəhərinə 50-dən çox təcili yardım avtomobili göndərilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
